മുന്നാ'സ്‌ വേള്‍ഡ്‌

Tuesday, September 05, 2006

....ബ്ലോഗാശവാണി....ബ്ലോഗേശ്വരം...ബ്ലോഗിലങ്ങാടി....ബ്ലോഗന്നൂര്‍...ബ്ലോഗപ്പുഴ...
ബ്ലോണ വിഷേശങ്ങള്........
‍ബ്ലോഗുല പുരത്തെ എല്ലാ അണ്ണന്മാരും ബ്ലോണം അതി വിശാലമായി കൊണ്ടാടി.ബ്ലോഗുര പുരത്തിനടുത്ത പാരവെപ്പൂരിലെ കാളപെറും കുന്നില്‍ താമസിക്കും കാജാക്കുറ്റി രാരു എന്നറിയപ്പെടുന്ന രാരന്‍ മൂപ്പരുടെ വീട്ടുപറംബിലെ, വാസ്കോഡഗാമയുടെ ഭരണ കാലത്ത്‌ കുഴിച്ചതെന്നനുമാനിക്കപ്പെടുന്ന പൊട്ടക്കിണറ്റില്‍ നിന്നും 2 ഫീറ്റ്‌ കുമ്പയുള്ള ഒരുത്തന്‍ കയറി വന്നത്‌ കുറേ നേരത്തേക്ക്‌ നാടകീയ രംഗങ്ങള്‍ക്ക്‌ വഴി വെച്ചു...മാവേലിയാണെന്നുള്ള വിശ്വാസത്തില്‍ സ്ത്രീകള്‍ ഇദ്ദേഹത്തെ പിടിച്ചു കൊണ്ടു പോയി പായസവും സദ്യയും അമിതമായി തീറ്റിച്ചത്‌ സഹിക്കവയ്യാതെ അയാള്‍ സത്യം തുറന്നു പറഞ്ഞു..തലേ രാത്രി മോഷ്ടിക്കാന്‍ പോവുമ്പോള്‍ കിണട്ടില്‍ വീണതാണെന്നും അതില്‍ കുടുങ്ങിപ്പോയതാണെന്നും അദ്ദേഹം വെളിപ്പെടുത്തി...തുടര്‍ന്ന് ബ്ലോലീസെത്തി ഇയാളെ കൊണ്ടു പോയി
.......... ജപ്പാനില്‍ ബ്ലോണം ആഘോഷിക്കാന്‍ ശ്രമിച്ച ഒരു ബ്ലോഗനെ ജപ്പാന്‍ ബ്ലോലീസ്‌ ഭ്രാന്താശുപത്രിയില്‍ പിടിച്ചിട്ടു.പൂ പറിക്കാനായി ജപ്പാന്‍ കാടുകളില്‍ അലഞ്ഞു നടന്ന ഇദ്ദേഹത്തെ സംശയാസ്പദമായ സാഹചര്യത്തില്‍ അറസ്റ്റു ചെയ്യുകയായിരുന്നു..."മനസ്സിലായി"എന്നര്‍ഥം വരുന്ന ജാപ്പനീസ്‌ പദം മാത്രം അറിയാവുന്ന ഇയാള്‍ എന്തൊക്കെയോ പിറുപിറുക്കുന്നതില്‍ സംശയിച്ചാണ്‍ ഹോസ്പിറ്റലിലേക്ക്‌ മാറ്റിയത്‌.....
ആഫ്രിക്കന്‍ വനാന്തരങ്ങളില്‍ പൂ പറിക്കാന്‍ പോയ മറ്റൊരു ബ്ലോഗന്‍ നാഷണല്‍ ജിയൊഗ്രഫിക്‌ ചാനലുകാര്‍ ചിംബാന്‍സിക്ക്‌ വെച്ച കെണിയില്‍ കുടുങ്ങി...ലിഫ്റ്റില്‍ കയറി കുടുങ്ങിയപ്പോള്‍ പുറത്തു ചാടി പരിചയമുള്ള ഇയാള്‍ കൂടു തുറന്നപ്പോള്‍ ഓടി രക്ഷപ്പെടുകയായിരുന്നു.......
മട്ടൊരു ബ്ലോഗന്‍ എന്റൈസറില്‍ കയറി പൂ പറിക്കാന്‍ ശ്രമിച്ചത്‌ അമേരിക്കയില്‍ ചര്‍ച്ചാ വിഷയമായി...ഇതിനു പിന്നില്‍ അല്‍-ഉല്ലൂക്ക എന്ന ഭീകര സംഘടനയാണെന്ന് ബ്ലൊണ്ടലീസ ചാവല്‍ ആരോപിച്ചു..
മറ്റു വിശേഷങ്ങള്‍ ഇട'വേല'ക്ക്‌ ശേഷം...

ബ്‌ടൊക്കെത്തന്നെ കാണും.....

അവിയേല്‍: വയല്‍‌ക്കരയണ്ണന്റെ നായബുദ്ധിപ്പോസ്റ്റിലിട്ടത്